C.S.O. Casa das Atochas_rua Atocha Alta 14

Orde de desaloxo decretada contra a Casa das Atochas

Ola,

xa está en curso (a partir de mañá mércores 23 de marzo) a medida cautelar (orde de desaloxo) decretada contra a Casa das Atochas. Nunha decisión, dende unha perspectiva legal, polémica -semella que o ideolóxico e o técnico van desligados-, a xuíza do Xulgado número 5 de instrucción da Coruña decidiu non ter en conta o escrito de Nulidade de actuación presentado, onde se amosa o abuso de dereito perpetrado pola mesma xuíza.

A Casa das Atochas, xurdida no ano 2008, hai agora máis de 3 anos, como un espazo aberto, un lugar liberado onde conviven acción e reflexión, capaz de enfrontarse con decisión aos valores e feitos que desembocaron na grave crise socioeconómica e política que hoxe domina a sociedade, está pois en perigo de desaparición.

Pese a todo, decidimos manter a actividade mañá mércores día 23 de marzo do xantador popular e a jam-session previstas, agora trasladadas ao exterior para facer visible a nova situación plantexada.
Estades tod@s convidados a este exercicio de desobediencia e celebración doutro tipo de sociedade.

Os nosos soños son os seus pesadelos
A Casa das Atochas non se desaloxa

Posted on Marzo 22nd, 2011 por admin
Filed under: convocatorias | 1 Comment »

Palestra Manuel Pinteño e concerto solidario coa Biblioteca anarquista A Ghavilla

Palestra de Manuel Pinteño Sánchez, que pasou 33 anos secuestrado nas cadeas do Estado Español. Pese a que entrou no cárcere por delitos contra a propiedade, nunca contra as persoas, a súa actitude combativa e libertaria levouno a acumular penas e sancións por motíns e tentativas de fuga (algunhas con éxito).
A cruel vinganza do estado non se debeu só á súa activa participación nas diversas loitas dos presos comúns, senon tamén a que foi un dos reclusos ós que os sevicios secretos ofrecéronlles beneficios penitenciarios a cambio de matar presos de ETA (o que coñeceuse como “GAL carcelario”). A súa negativa motivou que, a pesares de que en 1977 a condena máis grande que tiña era de 6 anos, non saíse ata o 2010, 33 anos na cadea (24 en total illamento) só interrumpidos polos 7 meses que estivo en fuga.

As palestras serán:
O xoves 24 na Biblioteca Anarquista A Ghavilla de Santiago de Compostela (rúa Ponte da Raiña nº8) ás 20h00.
O venres 25 na Casa das Atochas ás 19h30, prégase puntualidade xa que despois virá o concerto dos grupos Trazos+ LaDeSiDia+Anden 7 en beneficio da Biblioteca Anarquista A Ghavilla de Santiago.

Máis información:
http://libertad-manuel.blogspot.com/

Posted on Marzo 21st, 2011 por admin
Filed under: convocatorias | No Comments »

Obradoiro de masaxe para nenxs

O sábado 19 de marzo a partir das 12.00 horas Obradoiro de masaxe para nenxs (entre un mes e ano e medio aprox.).

Obradoiro de masaxe infantil
Nutrición afectiva mediante o tacto. A pel é o órgano máis extenso do noso corpo, namentres o tacto é o noso sentido máis esquecido. Aprenderemos a estimulalo e a fomentar o vínculo entre mais, pais e bebés.
O masaxe infantil é beneficioso para un correcto desenrolo do sistema nervioso e respiratorio, para aliviar as dores producidas por cólicos e gases, para que xs bebés aprendan a coñecer a seu corpo e tamén para escoitar, entender e atender o seu choro.

Posted on Marzo 17th, 2011 por admin
Filed under: convocatorias | No Comments »

3as Xornadas de okupación e aniversario, do 11 ao 19 de marzo

VENRES 11 DE MARZO: a partir das 20.00 horas presentación do SEMINARIO DE HISTORIA DE LA OKUPACIÓN DE MADRID e do libro OKUPACIONES EN MOVIMIENTO (derivas, estrategias y practicas), a cargo de Elísabeth Lorenzi.
Máis información:
http://tierradenadieediciones.com/tierradenadie/?p=215

A partir das 22.00 horas CEADOR VEGANO, proxeccións e sesión de punk.

SÁBADO 12 DE MARZO: a partir das 13.00 horas MONICREQUES PARA NENXS a cargo de ERO.

A partir das 14.00 horas COMIDA, NOM BOMBAS no Campo da Leña.

A partir das 20.00 horas palestra presentación da C.I.C. (cooperativa integral catalana) a cargo de dous compañeiros integrantes da mesma. Autoemprego ecolóxico e autoxestionado.
Máis información:
http://cooperativa.ecoxarxes.cat/
http://www.podem.cat/node/877

A partir das 22.00 horas concerto ZINC (Madrid) e BULLDOZERS (A Coruña).
Máis información:
http://www.myspace.com/zincmyspace
http://www.myspace.com/bulldozersrockandroll

LUNS 14 DE MARZO: a partir das 20.00 horas ESTREA DA PRIMEIRA MONTAXE DO FILME COLECTIVO sobre a Casa das Atochas e o movimento de okupación na Galiza. A continuación petiscos psicotrópicos, té, café e festón.

MÉRCORES 16 DE MARZO: de 13.00 a 16.30 horas XANTAR IMPOPULAR, reciclado, vegano e de balde.

A partir das 17.00 horas JAM’ ON, sesión aberta e libre de música improvisada.

XOVES 17 DE MARZO: a partir das 20.00 horas SEGUNDO TORNEO DE TIRATXINAS e INAUGURACIÓN DA 2ª MOSTRA FOTOGRÁFICA.

VENRES 18 DE MARZO: a partir das 20.00 horas PRESENTACIÓN dos proxectos de okupación do CSO KIKE MUR de Zaragoza, do CALDO VEGANO de Madrid e do CSO SIN NOMBRE de Sevilla, a cargo de integrantes da asemblea.
Máis información:
http://okupa.noblezabaturra.org/cso-kike-mur/
http://caldovegano.blogspot.com/
http://csoasinnombre.blogspot.com/

A partir das 22.00 horas CEADOR VEGANO, proxeccións e sesión de crust.

SÁBADO 19 DE MARZO: a partir das 12.00 horas obradoiro de MASAXE PARA NENXS (para nenxs de aprox. un mes a ano e medio) e a partir das 13.00 horas obradoiro de LOCK PICKING, ou a arte de abrir fechaduras.

A partir das 17.00 horas ENCONTRO DE OKUPACIÓNS E RADIOS LIBRES. Participará xente das asembleas do CSO A Casa da Estación de Pontedeume, do CSO A Casa do vento de Compostela, do CSO O Salgueirón de Cangas, do CSO A Casa das Atochas de Coruña, da Rádio Piratona de Vigo, da Rádio Kalimera de Compostela, da Rádio Filispim de Ferrol, da Rádio Krime, da vivenda okupa da Coruña (Monte Alto), da antiga Casa Encantada de Compostela (a do Sar e a da Almáciga), do CSO A Cámara de Gas de Compostela, da antiga La Hoguera de Coruña, da CAOS de Compostela, da Aito de Compostela, da Casa do muíño de Compostela, da Casa de Bergondo, do CSO Sin Nombre de Sevilla, do CSO Kike Mur de Zaragoza e do CALDO Vegano de Madrid.

A partir das 22.00 horas CEADOR VEGANO E FESTA RACHADA.

Posted on Marzo 9th, 2011 por admin
Filed under: convocatorias | 2 Comments »

Sábado 5 de marzo: presentación/proxección do ciclo de cinema Federico García

Contra ás 20.30h presentación/proxección do ciclo organizado polo Cineclube Compostela adicado ao cineasta peruano Federico García. Primeiro pase do filme TUPAC AMARU. A cargo de Alberte Pagán e Sayri García.

Máis información:
http://cineclubedecompostela.blogaliza.org/files/2011/02/folla-febreiro1.pdf

Posted on Marzo 2nd, 2011 por admin
Filed under: convocatorias | No Comments »